БУНТ. Заява ў сувязі з выбухам 4 ліпеня.

Актывісты моладзевага руху супраціву БУНТ выказваюць шчырыя спачуванні пацярпелым у выніку выбуху ў ноч на 4 ліпеня падчас святкавання афіцыйнага Дня Незалежнасці ў Менску.

Мы заяўляем, што катэгарычна асуджаем дзеянні тых, хто здзейсніў гэты жахлівы тэракт і рашуча выступаем супраць любых гвалтоўных дзеянняў.

Мы заклікаем беларускі ўрад правесці шчыльнае расследаванне па факту выбуху і пакараць вінаватых. Мы заклікаем людзей, якія маюць інфармацыю, датычную выбуху, звязацца з праваахоўнымі органамі і журналістамі для прадухілення магчымых фальсіфікацый вынікаў расследавання.

Мы заклікаем беларускі ўрад адмовіцца ад спробы звязаць гэты тэракт з далейшым абмежаваннем правоў і свабод грамадзян, а таксама выкарыстаць як апраўданне дадатковых рэпрэсій у бок дэмакратычных актывістаў падчас выбарчай кампаніі ў Палату Прадстаўнікоў.

Мы спадзяемся, што беларускі ўрад зробіць усё магчымае, каб у будучым не дапусціць падобных трагедый.

Моладзевы рух супраціву БУНТ
04.07.2008.

In English: http://nicolaev.livejournal.com/769263.html
По-русски: http://nicolaev.livejournal.com/769463.html